男人個袋好重要。絕大多數時候佢都係脆弱既，但係卻存放了我們的精華。I mean電腦、電話同書本等等生活上的重要工具。
佢受得了劇烈搖晃，卻頂唔順大力擠壓。因為袋雖然有間隔同拉鍊，但物料通常都是柔軟的。不少男人都不懂得handle如此delicate的東西。街上不懂得孭袋的人，Pépé皆是。
孭錯袋除了有機會勞損以外，仲幾柒下。例如4、50歲還學中學生用屎忽孭袋的不安中佬，或者是將斜孭袋孭出陸味的旺角好青年。
要孭好個袋，其實要學會將就自己的優點和缺點，用袋這樣accessaries去襯托出自己的特色。如果你無idea的話，以下佬編就透過身高、身型和場合來分享一些心得。
生得矮：無論是孭背囊定係斜孭袋，都不要孭得太低，因為從後面看，整體視覺重點會被個袋拉低，令你更顯矮。
斜孭袋的話，直孭會比斜孭更顯高，而且無咁似小朋友。另一個選擇就係唔好孭袋，用手拎或者用tote bag，望落較為輕巧，適合矮人。
生得高：把袋孭低點的話，可以平衡太高的感覺。背囊的話，孭太高會令你看上去更高大，但有機會會有點滑稽。
大份：背囊如果夠大的話，可以平衡厚重感，但如果肩帶較太緊會逼住肉。佬編推薦斜孭袋，而且是斜孭的，如果肩帶夠粗的話，視覺上也可以引開對身驅的注意力。料薄的tote bag也是顯肥之選。
瘦削：不推薦斜孭袋，感覺斜孭袋的顯瘦功能會令你更顯瘦，背囊或者tote bag是較佳的選擇。
著老西：標準當然係suitcase，但宜家仲有人用嗎？The way to go應該係斜孭袋或優質tote bag之類的。背囊比較controversial，因為肩帶會破壞西裝的肩膀剪裁，但如果西裝不是太過structured的話，也是可以孭背囊的。
場合：Formal場就盡量用手拎的袋，斜孭袋或者背囊會散發casual的感覺，那是junior才會有的氣味喔。
總結
咁應該幫伴侶孭袋嗎? 睇下咩袋囉，如果想對方樂意幫手，又孭得好睇既話，tote bag最幫到你。
J.
近幾年，佬編身邊越來越多人會同時用兩部電話或以上，電話雙飛／雙修似乎已經成為一種趨勢，甚至是new normal。