佬訊 blog

「係呢，」Jessica襯住吹完頭尚有餘溫，終於開口問：「你聽日買唔買飛？」

「買....」話衝口說出了一半，Anson本能地感到危險，倉猝地裝傻：「...咩飛呀？」

但做了差不多十年情侶，講的是甚麼一回事，兩人當然都心知肚明。

Anson是Eason的死忠fans，中學時花名叫「阿臣」，自覺與偶像撞名，不知幾咁開心。Jessica本身無乜感覺，但愛屋及烏，耳朵與腦袋習慣了，有時行行下街，聽到人播Eason，也會不自覺跟著哼兩句。

但新彊棉之後，一切都變了。從此，陳奕迅就像從來都不存在，從他們的日常中消失了，車上不再放Eason的歌，取而代之是Spotify最Hit粵語榜，百花齊放，但總好像有一片空白。

有一次深夜回家，Jessica在副駕座睡著了，Anson久違點開了陳奕迅的歌，首首都識跟著唱，不小心嘈醒了Jessica，她半睡半醒一句就劈埋去：「妖，咪鬼再聽呢啲奶共歌啦。」

可能是因為疲倦，Anson今次很大反應：「其實佢點樣奶共？咪得新彊棉果一次！」車越開越急「果次你係youtube睇大陸Twins，乜嘢風高浪急的姐姐，就話係童年回憶，咁Eason都係我回憶！」全車靜晒，但Anson没有減速。

那次一吵，就像夏娃偷吃完禁果，反而大家放開了。Anson會聽返Eason，Jessica也會自己睇Twins。不同的是，車上會一齊聽C ALL STAR、Serrini、Rubberband，而陳奕迅與Twins，只會插上耳機偷偷播。

大家唔講，問題暫時不存在，但人總需要勇敢生存，在Eason演唱會開賣前一晚的這個moment，Anson決定坦白自己：「我聽日應該會買飛，你...會唔會同我一齊睇？」

「嗯，」Jessica語氣有點冷淡，別開了臉，令人看不見她的表情：「下年Twins好似都開演唱會。」「咁下年一齊睇？」但就像說了不應該說的話一樣，二人沉默了，留下不解的註腳，帶著猜疑徐徐入睡。

睡夢中，Anson去了演唱會，週圍有好多人望住自己，是由上至下望著罪人的目光。沉重的壓力，像一束吊燈傾瀉下來，壓得自己透不過氣。這時他還未知道，明天網站大塞車，他根本買不到飛。

F.

Frankie一邊喝茶，一邊提出這個問題，「公司WFH咗大半年，太陽正常升起，一切運作如常，大家都慣晒啦，呢啲時候，唔係就應該WFH咩？一來一回，白白浪費車錢時間，好咩？」

「定啦你，宜家兩點半，睇個勢，轉個頭就會出email叫人走，不嬲都係咁。」Jason諗嘢比較practical 。「你執定嘢，諗定點樣返屋企最快好過啦。」

「唔係有冇得早走嘅問題。」Frankie突然嚴肅起來。「我唔係care嗰一日半日假，唔係介意洗唔洗做嘢，覺得冇效率，pointless。」

這些話當然有道理，但其實此刻Jason只想快快end topic，希望下晝早放之前，能做完手頭上的工作。「都係嘅，不過可能從來都冇乜期望，所以都冇特別失望。」

但Frankie一於少理，繼續講：「唔係囉，真係唔應該咁，不如我地同啊姐講。」「呢個唔係工作嘅問題，我返到屋企，一樣會做嘢，宜家係講緊公司需要改變。」

Jason沉默無語，因為已經估到下一句，果然，Frankie依然是一貫的free rider作風：「Jason，尤其你住咁遠，我覺得你要同啊姐講聲，叫佢早啲放你走。」

Jason早走，同team的Frankie自然順理成章走得。明明自己想走，偏要別人開口，這個如意算盤，怕且也打得太明顯，只有面皮夠厚的人，才會直接說出來。「過海又塞一塞，屯公又塞一塞，你再唔走，分分鐘今晚六點都未返到去。」Frankie越講越大聲。

話口未完，啊姐剛好經過聽到：「係喎，Jason你住得遠喎，快啲走喇，啲嘢翻去先做啦。」「Frankie，你都走啦，我哋個會re-schedule去聽日先開。」說罷，便急急腳走。

幸福來得太突然，Jason還有點迷惘，因為他一向搭地鐵，其實不經屯公，也不會塞車，但去到此時此刻，當然也懂得沉默執袋走人。說時遲那時快，離遠已經望到啊姐，挽袋輕盈離去，他好像突然明白了甚麼。

原來大家都想走，只是場戲一日未做完，一日都未走得住。真真假假，有時並不重要，最緊要是有個說法。Jason再望向Frankie的背影，只覺得特別偉大。

F.

也不是說感情不好。他們出街會拖手、家中會在梳化互相依偎、臨出門口有morning kiss，也會定期做愛：通常是星期六的夜晚，因為平日返工回家太累，只有在休息夠的星期六晚，才稍為有點興致。

兩人没有共同興趣。Anson鍾意足球，睇波時，Jessica會靠在旁邊，自己拿出iPad睇劇；掉返轉，Jessica在電視睇劇時，Anson也會用cushion墊著laptop，在旁邊炒股。

「都幾sweet啊」，這是Jessica真心的想法。但她不知道，有時夜闌人靜，睡在Jessica旁邊的Anson，也會覺得生活有點平淡。

這晚的他，又在電視前獨自睇波，Jessica則如常在旁，一邊咬著雪條，一邊托住iPad睇戲。「唉呀！」她輕輕驚叫了一下「滴污糟咗件衫添。」半溶的雲呢拿雪條，在Jessica的睡裙上滴了兩滴。

「入去換件衫先喇。」Anson嘴裏這樣說，但其實注意力丁點都没有從電視中移走。Jessica只想求其換件衫，繼續追劇，快趣除下睡裙，順手就拿起Anson的波衫。穿上後有點oversize，所以褲也不著就出返去了。

甫一出房，望到Jessica穿著波衫的那刻，Anson就開始激動。在愛隊球衣下的Jessica，好像比平時可愛了一百倍，又或者粗俗一點講，「摟屌」多一百倍。

新鮮感可能是其中一個理由，對比起Jessica平時的家居服，oversize波衫好像稍為sexy了一點。大圓領間隱約可見的乳溝、波衫尾下那三份二截熟悉的長腿，久違地令Anson覺得口乾舌燥，情不自禁吞了一下口水。

而Jessica著起波衫的這一個舉動，亦令Anson覺得兩人好像親密了一點。就像機迷特別喜歡gamer girl，穿起波衫的Jessica，令Anson有種美好的錯覺，認為她與他終於能分享同一樣的熱情，兩人身心的契合，即時昇華到一個全身的高度。

Jessica感覺到Anson不懷好意的眼神，覺得眼前人有點陌生，但又有點刺激：「BB我借你件波衫著一著。」「你…你都鍾意英格蘭嘅咩？」Anson已經口齒不清，「宜家中....中場休息。」突然就將Jessica撲倒在梳化上。

然後，就在電視機前，Anson與Jessica上演了一場，比英格蘭對克羅地亞更精彩的大戰。那陣時的Anson，就像國家隊球員一樣，比平日更積極地盤扭突破，也平日更有耐性地，在Jessica的禁區內外不停組織攻勢，衝擊最後的防線。

一輪互有攻守的攻防戰過後，最終隨著史達寧終於攻破克羅地亞的龍門，Anson也一泄如注，倒下在Jessica的胸膛上，注意力又再次回到球賽上。