一個正正經經的熨斗，比你想像中的還要重要。
可能香港空間真的太少，近年來，很多電器舖都有賣一些細細部易收納的熨斗。有一年，佬編在公司抽獎中了一部這種細細部的熨斗，本來以為夠做，之後玩了三星期，就頂唔順買返部正正經經的熨斗，之後才知道，逢星期日晚睇住波熨衫，原來可以是種享受。
何謂「正正經經」的熨斗？就好似刺身最緊要新鮮一樣，熨斗最緊要的，是Watt數。體積偏細的熨斗，雖然外表吸引，容易收納，但往往不足1000W，熨女裝常用的絲綢和尼龍還可以，但要熨純綿裇衫就很marginal了，1500W樓上才算穩陣。
熨斗嚟講，也有很多不同價位與質素，上至一兩千，下至一二百都有。但老實講，最緊要還是watt數。其他features，例如底板是陶瓷或鋁合金、形狀是兩頭尖或一頭尖、溫控、自動熄機、電子蒸氣泵，主要睇自己preference。
老實講，佬編捐咗個迷你熨斗之後，去豐澤求其買個二百幾的飛利浦，每星期熨一次，一直用到現在都覺得很夠用。自此之後就覺得，熨斗最緊要夠watt數及啱手感，就像trombone一樣，價錢再貴，都不及樂手的技術重要。
最後還有個溫馨提示，熨斗入水，盡量要入過濾水，甚至蒸餾水。香港食水雖然算是軟水，但始終會有些礦物質，加上水中其他的物質，慢慢會積累在熨斗內，繼而影響performance，諸君要留意一下。
F.