成日講Netflix and Chill，但如果目的是與未成為伴侶的人上床，Netflix and Chill的成功率其實不算高。佬編没有確實的統計數字，但從朋友口耳相傳之間，通常都是撚狗玩貓派，又或者各類home tasting比較容易得米。
要提高Netflix and Chill的成功率，不妨由結果推翻轉頭。Netflix and chill的理想情況，是在電影戲劇途中，不知不覺間開始親熱、撫摸，然後開戰。所以首決條件，是套戲／劇不能夠太好睇，近排大熱的《華燈初上》、《殭屍校園》等，追看性太高，不利中途轉車。
另一個極端是情色愛情片，很多人以為睇到「慶恰恰」，自然易得米，但每個女人的turn-on button都有點不同，所以要謹選片種。佬編的唯一忠告，是不要揀《三夫》，因為可能有人會睇到想嘔，無晒性慾。
而且作為約炮的暗號，睇情色片略嫌太明顯，所以最佳的選擇，其實是一些大家都大槪估到發展，又足夠好睇到令成件事make sense的戲或劇。電影方面首選吉卜賽工作室，以及迪士尼卡通；美劇《Friends》也是個不錯的選擇，氣氛輕鬆搞笑；戀愛真人show也ok，例如《Terrance house》。
在電影、戲劇、真人show之中，後兩者有連續性，適合想長線保持關係的人。前者則適合即興約會，尤其現在戲院、酒吧、晚市停業，正在培養感情的人想靜態約會的話，返屋企睇戲是個言之成理的籍口。
可能有人會話：「咩年代呀，大家都知咩事㗎啦，洗乜搞咁多嘢。」但如果下下打開口牌，同動物有乜分別？只有在大家知道終點卻不明說時，腦袋在猜度中高速運行，心臟按奈不住地跳，種種暗示與不確定，才是調情最令人心醉的地方。
F.