「點解咁講？」面對Sindy如此尖鉛的問題，佬編一時也為之語塞，只能模稜兩可，想不到之後卻意外地學了些奇怪的知識。
Sindy是我的中學同學，身材偏骨感，皮膚白得過份，眼神有時會莫名其妙銳利起來。長相算中上，所以一直不乏追求者，可惜每次拍拖都不算長，最久好像也只是三、四年。本來與她互不相干，直到某次隨機調位，碰巧成了鄰座的關係，相處下來尚算投契，到現在仍會間中聚舊，但其實也不算深交。
「望、聞、問、切」她像個專家一樣解釋道。「想知道一個男人係咪做完愛，其實就好似中醫咁，望聞問切。」有點意外原來她還有這一面，佬編拿起眼前的咖啡杯掩蓋笑意，靜靜聽她娓娓道來。
「望，即係睇下佢面色。」說時目光又銳利起來，望著佬編的眼神有如鑑定寶石般專業而不帶感情。「做完愛之後，通常面色會紅紅地，尤其是耳仔，同埋輪廓會出啲，好似去咗水腫咁。言談舉止有種懶懶閒嘅感覺，眼神清徹得嚟會有啲呆滯。」佬編在她的注視下有點不好意思，稍為調整了座姿。「咁聞呢？」
「聞就仲簡單。」她淺淺笑道。「其實好多女仔個鼻都好靈敏。精味、condom味好易認。」或者是看得出佬編越來越不自在，她嘴角也越來越向上揚。「放心，你個身冇精味。」好彩冇味。佬編作狀地聞了自己一下，自嘲想解圍。「但係你陣沐浴露味好香。」哈哈哈 ...
「問就要有啲技巧。」短暫停頓後快速地轉移話題，讓我鬆了一口氣。「你知唔知咩叫Cold Reading？即係好似啲睇相佬咁，chok下佢。例如突然問佢：咦你好似好攰咁嘅？睇下佢會唔會啲唔自然，面有難色咁，我以前試過咁樣問男朋友，結果真係俾我試到佢。」
佬編拿起咖啡呷了一口，暗暗提醒自己要記住這個trap。「最後就係切。」她在最後加了個重音，令佬編差點連咖啡都噴了出來。「中醫所謂嘅切，係切脈咁解，亦即係把眽。而如果想知道男朋友係咪啱啱做完愛，最直接嘅方法，係睇佢條J。」
「如果唔夠硬，又或者出得少，就知咩事啦。頭先講到嗰個男朋友，就係俾我問完再試佢，咁就識穿咗。」咁之後點？「最後佢自己認晒，咁咪分手lor。」
不知道如何回應，佬編無言地放下咖啡杯，轉頭向街外望。一方面有點慶幸，與她只是朋友關係；另一方面不知道應否解釋，其實剛剛佬編在家workout完，見還時間尚早，就快手打咗個J先沖涼出門口。
F.