有個剛畢業的師弟說，將會在中環返工，又話要做gym，問佬編應該拎咩袋好，budget慳得就慳。與他關係不太熟，所以佬編也不多想：去carosell買個pure fitness鞋袋，$30-$60有找。
Sad but true，紅黑pure fitness袋，辨識度比起正正經經買個Filson高，情況就像很多人認得Tesla，卻不知道R32 GTR一樣。在人來人往的中環，輕挽一個象徵healthy lifestyle的紅黑鞋袋，不知幾chill。
而且用Pure fitness鞋袋，還有一個意想不到的好處：你永遠保持on-the-way to gym的狀態。佬編剛畢業時，也經歷過在物價高地段返工的痛苦。只要拿著鞋袋，無論是同事食lunch還是放工HH，你都可以輕描淡寫拒絕：不了，今日做gym。
但有得必有失，Pure fitness鞋袋也有它的致命傷，就是玩得耐了，開始有點爛。佬編不只一次聽女性朋友提過，好憎人拎Pure fitness鞋袋，甚至曾聽過有種講法，說拎這個「Douche Bag」的人，十足其九都是douche bag。
Well，當健身成為時尚，gym成為lunchtime／HH的覓食聖地，sample size大了，屎忽鬼自然多，這是很正常的事。
其實，好的Gym bag不難搵，不需要用一個大大隻字印著gym名的鞋袋。不相熟的師弟，我由得佢撞下板；對佬友，可以講多啲。
對於gym bag，不用想得太死板。衫褲鞋毛巾，卷得好，佔的空間不會太大。所以，思路不需要從gym bag入手，反而應該朝「有一定容量的返工袋」這個方向去想。
之前介紹的tote bag，是一個很多好選擇。選購時，可以配合返工的dress code。工作環境較正式的，可以選擇smart一點的款式，例如是皮款的tote，又或者是設計俐落，配色單一深色的簡單款。關於tote bag，上次講過好多，這次不重覆了。
另一個選擇，是duffle bag。袋口淺而闊，比起tote bag，收納取物都更容易。夠大的話，基本上不用摺衫褲，成套衫飛入去就可以。有些duffle bag，還會在頭頭尾尾特設鞋隔，方便做運動人士。
拎duffle bag時，一樣要配合dress code。但duffle bag的款色，本身就比tote bag更sporty。簡單來說，tote bag可以令其他人不知道你去gym，而duffle就是擺明會去做gym，所以反而不需太smart。而既然連pure fitness鞋袋都可以的話，duffle一定不會有問題。
最後當然還有backpack，返工的背囊是個大課題。但西裝應否孭袋？背囊款式又要點揀？這些下次再講。
F.