封gym三個多月以來，佬編留意到一個奇怪的現象：明明健身室都冇開，點解仲有咁多男仔著住做gym衫通街走？
講緊不是T-shirt、綿褲的運動悠閒casul wear，而是真的健身穿的gym wear：緊身背心、超短褲、白襪波鞋、拉繩背囊，再吊吊㧦住個shaker。
一身gym束行街，在日子正常時，尚且可以用去緊gym／做完gym作為籍口，但在健身室關閉的當下，得罪講句，有點像令人失笑的cosplay。
尤其有些gym人與伴侶拍拖，去cafe商場消遣時，相對well dressed的身邊人、旁人，及店家花心思的裝修佈置，一身健身裝束，就像著拖鞋短褲參加婚禮一樣。或者你覺得外表無所謂，最緊要自己自在；又或者你覺自己很bulk，嚇死旁邊的排骨仔，但在旁人眼中，更多時候可能是覺得搞笑。
當然，付出了大量汗水與掙扎，鍛練一身精壯的肌肉，想露是人之常情。而且做gym衫本身，可以是一種訴說著"active lifestyle"的造型，這種造型，不論在異性／同性求偶中，的確有市場。
但其實現在通街都係gym，個個都有gym membership，做開gym作為一種吸引同類／表達自己的賣點，獨特性已經大大下降。做gym衫通街走，會令別人懷疑你人生是否只有做gym，肌肉鍛練是否已經凌駕人生中其他知性的嗜好與滿足。
而且露得太直白，肉感太重，有時反而會令人卻步。禾稈冚珍珠，若隱若現的神秘感，比大開大放的展露更引人入勝。大隻佬不一定要露肉，力量不一定與智商相斥，就算做大隻佬，也可以是一個well-dressed的大隻佬，比起單純的肉體，會更添一層吸引力。
有人或者會抗議：啲女夠日日著yoga pants，又唔見你講？well，作為既得利益者，有時看事情難免有點偏見，以上少少個人意見，希望鍾意睇仔仔露肉的朋友不要太介意。
F.
延伸閱讀：《被人屌如何自處》