佬訊 blog

甚麼是有色眼鏡？首先，有色眼鏡不是太陽眼鏡。太陽眼鏡的主要用途是防曬防UV，用於戶外為主，所以鏡片一般較黑，不適用於室內。

有色眼鏡亦不是全視線那種變色鏡片。變色鏡片只會在戶外變暗，在室內則可普通鏡片無異。另外，變色鏡片在顏色上没有太多選擇。

有色鏡片有不同的深淺，例如20%、50%、80%的深淺度，亦有不同顏色選擇。有色鏡片亦不會變色，但可以在室內使用。蔡司的BioChrom系列，就是其中一個例子。

又唔係防曬、又唔識變色，咁有色眼鏡到底有咩用途？其一是外觀上的裝餘。如果你像佬編一樣，經常唔夠瞓、雙目無神、黑眼圈嚴重，有色眼鏡其實有少少遮瑕作用。

常見的顏色，包括紅、藍、黃、綠。有研究說，有色眼鏡可以紓緩壓力、增強效率、改善精神健康。顏色其實不單是一種視覺上的資訊，更會影響我們的情緒。

如果你個世界係粉紅色嘅，咁可能紅色嘅鏡片最啱你。佬編親身試過，紅色鏡片望出去，紅噹噹，其實幾醒神。黃色鏡片就sharp、再光猛啲，兩款其實都頗uplifting的，戴著人都會精神些。

常說綠色護眼，戴上綠色鏡片，放眼一片綠油油，去到邊都好像望著個草地一樣，原來都幾peaceful。藍色鏡片則為整個世界，罩上一沫冷色filter，世界紛擾好像都平靜了下來，是佬編最鐘意的顏色。

不過紅色與黃色其實幾蝦人戴，如果膚色不夠白，可能就未必適合。藍色綠色則建議可以選擇淡一點，因為太深其實就和太陽眼鏡分別不大了。